VSMMC adunay bag-ong Cathlab
CEBU, Philippines - Nahimong emosyonal si Department of Health Secretary Paulyn Jean Rosell-Ubial sa iyang mensahe atubangan sa mga doctor ug medical staff sa Vicente Sotto Memorial Medical Center kagahapon.
Si Ubial nitambong sa inagurasyon sa ikaduhang Catheterization Laboratory ug Neurosurgical Ward sa VSMMC nga nagkantidad og P60 milyones ug ingon man sa ika-10 nga anibersaryo sa pagtukod sa unang Cathlab sa maong tambalanan.
Wala kapugngi ni Ubial nga makaluha human siya nisaysay kabahin sa pagsaway nga nadawat sa health deparment taliwala sa nahimong kalampusan niini.
“When we try our best to develop and improve our hospital services sabihin nila nga corrupt yang mga yan, eh bakit gumanda ang Vicente Sotto?” matud ni Ubial.
Siya nagkanayon nga nasayod siya sa sakripisyo sa mga medical personnel nga nagtrabaho sa gobiyerno taliwala sa mga pagsaway nga gibato ngadto kanila.
“Pasensiya na po, medyo emotional na ako, kasi I know that a lot of you are subject to a lot of heartaches and stresses, because of working in the government and working in government is really a sacred job. Walang oras, 24/7 you are on call and it takes a lot of told to your families, friends. I don’t intend to cry,” emosyonal nga pamahayag ni Ubial.
Nisaad kini nga magpadayon pagsuporta ang DOH sa mga tambalanan sa tibuok nasud aron makahatag og kalidad nga health services sa katawhan ilabina sa mga kabus.
Si Dr. Gerardo Aquino, hepe sa VSMMC nagkanayon nga nagtukod sila og bag-ong Cathlab aron makapahigayon pa sila og dugang operating procedures.
“The reason why we had another cathlab kay daghan pa man procedure nga mahimo aside from kay katong sa una dedicated more on cardiac karon man gud , we can do not only cardiac, pwede spine, brain, daghan magamit” matud ni Aquino. (BANAT NEWS)
- Latest
