CEBU, Philippines - Giawhag sa Department of Health (DOH) ang mga local government units nga maoy mopasiugda og fireworks display o pagpabuto atol sa pagsugat sa Pasko ug Bag-ong Tuig inay nga pasagdan nga ang katawhan maoy magpabuto.
Si DOH Secretary Paulyn Ubial nibutyag nga posibleng sunod tuig na mapatuman ang Executive Order ni Presidente Rodrigo Duterte sa pag-regulate sa paggamit og pabuto sanglit pipila ka mga kompaniya ang nipadangat nga uwahi na ang maong EO kay nakahimo na man sila og pabuto.
“Apparently maraming nagsulat from the industry that this is too late to implement this year, kasi nakagawa na sila ng firecrackers and I think the president considered that. So ang tingin namin this will be implemented maybe next year so it is still up to the president kasi nga ibabalance yong trade and health,” matud ni Ubial.
Taliwala niini si Ubial nagkanayon nga ipadayon gihapon nila ang ilang kampanya alang sa ilang adbokasiya aron malikayan nga adunay madala nga bata o bisag kinsa sa tambalanan kay nabuthan kiini
Hinungdan nga iyang giawhag ang mga lokal nga pangagamhanan nga mas maayo nga sila maoy mopasiugda og fireworks display aron ma-regulate kini.
“For the LGUs to administer the fireworks display and use of firecracker so that it will be regulated so that in case na may ma-injure, matakbo kaagad sa hospital.
Kung may masunog meron kaagad fire extinguisher or fire truck so it is really controlled. And will limit the injuries and possible incident” dugang pa ni Ubial. (BANAT NEWS)