Sisterhood sa Mandaue ug Ayabe City, Japan himoon karon

CEBU, Philippines - Ang mga opisyal sa Dakbayan sa Mandaue nga gipangulohan ni Mayor Luigi Quisumbing, gikatakdang makigtagbo sa mga opisyal sa Ayabe City sa nasud sa Japan alang sa pormal nga pagpinirmahay sa  sister-city agreement.

Gibutyag ni Mayor  Quisumbing nga ang ilang pinirmahay matigayon human unya sa gikatakda nga panagtagbo sa delegasyon sa mga Japanese official nga pangulohan usab sa mayor sa Ayabe City nga si Mayor Zenya Yamazaki karong adlawa Nobiyembre 14.

"Mayor Yamazaki is scheduled to visit Mandaue City. This is part of the planned sisterhood between two cities where we intend to forge alliance with them in order to further international ties that are aimed towards promoting the city of Mandaue globally," asoy ni Mayor  Quisumbing.

Sa duha ka adlaw nga pagbisita sa mga opisyal sa Ayabe City, ilang tan-awon ang San Miguel Brewery Inc.  sa Barangay Tipolo ug lakip na usab ang uban pa’ng mga pabrika sa dakbayan.

Si Mayor Quisumbing kinsa kauban sa iyang chief of staff nga si manlalaban Mae Elaine Bathan mohimo sa signing of agreement alang sa sisterhood angreement uban sa maong mga opisyal sa Ayabe City, Japan adto pagahimoon sa Session Hall  sa  dakbayan.

Si Bise Mayor Carlo Fortuna ang lakip usab sa motambong uban sa mga sakop sa konseho nga naglakip sa chairperson sa committee on tourism and foreign relations nga si Konsehal  Cynthia Remedio maoy lakip sa motambong sa maong kalihokan nga ang katuyoan mao an pagbinayloay unya sa mga kalamboan sa maong duha ka mga dakbayan. (BANAT NEWS)