CEBU, Philippines - Ikatulong blood station sa Philippine Red Cross ang gisubhan ni Senador Richard Gordon nga naa nahimutang sa Brgy. Jagobiao, Dakbayan sa Mandaue.
Si Gordon nga gikuyogan sa kadagkoan sa PRC maoy nangulo sa ceremonial ribbon cutting kagahapon pag-inugurar sa blood station facility nga nahimutang sa dakbayan. Kini adunay blood bank refrigerator ug ingon man power generator set nga maoy mopreserbar sa dugo nga ilang makolekta gikan sa donasyon sa mga tawo.
Pinaagi usab niini mahimo na sila nga makahatag nga nagkinahanglan og dugo alang sa mga lumolupyo sa amihanang bahin sa lalawigan sa Sugbo.
“This new blood facility is part of the realization of our dream to set up a blood facility in every corner of the country to make life saving blood available to everyone wherever and whenever they need it,”ni Senador Richard Gordon pa kinsa maoy chairman sa Philippine Red Cross.
Ang PRC migahin og mokabat sa P1.5 milyones nga kantidad alang sa nahisgotang pasilidad.
Gawas sa dakbayan sa Mandaue ang PRC bag-o pa usab nga nag-operate sa bloods stations sa Lapu-Lapu City ug Cebu City. (BANAT NEWS)