Garganera ‘exaggerated”
CEBU, Philippines - Kahinumduman nga ang Court of Appeals (CA) niawhag nilang Cebu City Mayor Tomas Osmeña ug Konsehal Joel Garganera nga mohimo og “win-win solution” isip kasulbaran sa problema sa Inayawan Sanitary Landfill. Hinungdan nga wala una sila nipagawas og Temporary Environmental Protection Order (TEPO).
Matud ni City Legal Officer Atty. Joseph Bernaldez, naka-file na sila og tubag ug magpaabot na lang sila kun unsay sunod nga lakang sa CA.
Dugang ni Atty. Bernaldez nga sa sunod hearing karong Oktubre 24, mutambong si Mayor Osmeña aron tubagon ang mga pangutana sa mga huwes mahitungod sa landfill.
Gihulagway sa abogado nga ‘exaggerated’ ang alegasyon ni Konsehal Garganera bahin sa landfill hinungdan nga mas maayo nga mangunay og susi ang mga huwes kun tinuod ba ang pamahayag sa petitioner.
Subay niini, si Konsehal Garganera niingon nga wala pa siya makadawat sa kopya sa tubag sa siyudad, nanghinaot hinoon kini nga unta karong Lunes, Oktubre 24, mutambong ang mayor aron masulbad ang problema sa labayanan.
Dugang ni Garganera, nagpaabot gihapon siya nga makigtagbo ang mayor kaniya aron hisgutan ang problema una sila mag-abot sa hearing. (BANAT NEWS)
- Latest
