CEBU, Philippines - Human sa pagkasikop sa ‘middlemen’ sa pagpatay sa usa ka pastor sa Brgy. Bonbon , Cebu City, misunod og tahan ang drayber sa motor nga gisakyan sa gunman sa maong pagpamusil.
Kauban iyang mga ginikanan, mitahan si Benjie De la Cerna diha sa Cebu City Intelligence Branch kagahapon sa hapon.
Matud pa ni Superintendent Michael Bastes, hepe sa CIB sa Cebu City Police Office dugay na ni nilang nailhan ang maong drayber.
Una nang nitahan ang matud pa ‘middleman’ nga si Garry Daclan ug miangkon nga gisugo lang kini sa usa ka Ramil Bonghanoy (dili Ramil Bontuyan nga maoy unang nigawas sa balita) kinsa nabilanggo karon sa Muntinlupa pagpapatay kang Crisostomo Maternal Jr. nga asset sa CIDG-7.Sumala pa ni Bastes, ilaha nang nailhan ang gunman ug midugang nga adunay usa ka drug pusher nga kauban ni Daclan sa Biasong ang mipadayag nga gusto na usab nga motahan. (BANAT NEWS)