CEBU, Philippines - Patay ang usa ka habal-habal driver human gitabangan og pusil sa duha ka wala mailhing tawo samtang nagpamasahe sa iyang higala sa Sitio Napo, Guindaruhan, Minglanilla alas 4 sa hapon sa nilabay’ng adlaw.
Si Senior Police Officer 2 Oliver Dacua sa Minglanilla Police Station niila sa biktima nga si Felomino Basalan, 32, minyo, nagpuyo sa nahisgutang dapit.
Ang biktima nakaangkon og upat ka samad pinusilan sa nawong, liog ug likod ug dali nga nisibat ang duha nga namusil.
Matud ni Police Officer 2 George Alvin Traya nga nagpamasahe sa maong lugar ang biktima dihang kalit lang giduol sa duha ka wala mailhing tawo dayong pusil atubangan sa masahista nga si Feligia Encoy. Dali unta nga gidala sa Minglanilla District Hospital ang biktima apan nakabsan gyud kini sa kinabuhi .
Nakuha sa crime scene ang usa ka bala sa .9mm pistol, duha ka kabhang sa bala ug usa ka kabhang sa .45 caliber pistol. Eramy E. Sismar ug Rowena D. Capistrano (BANAT NEWS)