3 lungsod, siyudad political hotspots area

CEBU, Philippines - Tulo ka lungsod ug usa ka dakbayan ang posibling irekomendar sa direktor sa kapulisan sa Cebu Provincial Police Office isip mga “political hotspots area” karong umaabot nga piniliay.

Si Senior Superintendent Clifford Gairanod, direktor sa CPPO miila sa maong mga lungsod nga mao ang Dumanjug, Tuburan ug San Fernando samtang ang siyudad mao ang Dakbayan sa Bogo.

Sumala pa ni Gairanod nga ang rekomendasyon gibase nila sa mga panghitabo kaniadto panahon sa eleksyon ug sa kainit sa panagribal sa mga kandidato ug ang presensya sa mga armadong grupo.

Sa Dakbayan sa Bogo adunay nahitabong kagubot sa nakalabay nga eleksyon, samtang sa Dumanjug gibanhigan ang kasamtangang bise mayor dili pa lang dugay

Samtang ang lungsod sa Tuburan, adunay nasikop nga gipasanginlang mga “goons” gikan sa Masbate ug  sa San Fernando init ang panag-atbang sa mga magpapili.

Ang maong mga lugar ang lakip sa 23 ka mga dapit sa probinsya sa Sugbo nga gi-monitor sa kapulisan nga lagmit adunay motumaw nga kagubot.

Ang 23 ka mga lungsod gibase sa “Comelec watch list” niadto pang 2013 elections. (BANAT NEWS)