Awards sa PESO-Capitol nagpusot-pusot
CEBU, Philippines – Nagsunod-sunod ang pasidungog nga naangkon sa Public Employment Services Office (PESO) sa Kapitolyo sa paghatag og outstanding employment services.
Sa 2014 nadawat ang PESO Regional Awards nga mao’y naghatud sa pagka nominee sa National Best PESO Award.
Ang PESO-Cebu padayon sa pagkadawat og mga recognition dili lang gikan sa PESO Congress lakip na sa nagkalain-laing ahensiya ug organisasyon tungod sa epektibo nila’ng implementasyon sa mga programa.
Ang PESO-Cebu nakadawat og Leadership Award sa Zonta Club of Cebu I samtang ang Department of Labor and Employment-7 nipili usab niini nga Top PESO Performer sa rehiyon.
Matag tuig ang PESO- Cebu magpahigayon og unom ka job fairs diin liboan ka trabaho sa lokal ug international ang ila’ng gitanyag sa publiko.
Si Dr. Mathea Baguia, Capitol consultant on employment services, nagkanayon nga ang mga pasidungog nga ilang nadawat mao’y nakahatag nila og kadasig sa ilang paghatag og maayong serbisyo ngadto sa publiko. – /GMR) (BANAT NEWS)
- Latest
