Hotels ug resorts sa Lapu-Lapu mapuno
CEBU, Philippines – Si Lapu-Lapu City Tourism Officer Hembler Mendoza miingon nga mapuno ang mga resorts ug hotels atol sa pagsaulog sa Sinulog karung Enero 16.
Si Mendoza mibutyag nga adunay 4,500 ka room capacity sulod sa 61 ka hotel ug resorts ang siyudad ug laing upat ka mga hotel establishments ang gikatahong moabli sulod sa tulo o upat ka tuig nga nangahulogang dugang 1,700 ka room capacity.
Kung ang mga turista dili makaabot o mahutdan og hotel and resort accommodation, mamahimo silang ma-accommodate sa mga baratong pension houses o inns sa siyudad o didto sa mga kasikbit nga dakbayan. Sa laing bahin, si Estee Marie Plunket, pangulo sa Corporate Communication Affairs sa GMR-Megawide Cebu Airport Corporation nagkanayon nga nag-expect ‘sab sila nga daghang lokal ug langyaw nga mga pasahero ang modagsa sa wala pa ang adlaw sa Sinulog.
"So far the arrivals have dipped since Christmas and back to regular throughout. Based on data the surge happens again by the Sinulog weekend," matud ni Plunket kagahapon.
Gawas ni Plunket, mipadayag sab si Senior Superintendent Armando Radoc, acting chief sa Lapu-Lapu City Police Office nga ilahang gipahingusgan ang crime prevention ug ang pagpahigayon og nagkalain-laing patrolya sa siyudad alang sa paghatag og seguridad sa mga turista. (Christell Fatima Tudtud/EIM)(BANAT NEWS)
- Latest
