CEBU, Philippines - Ang Sinulog Foundation Incorporated andam na sa Sinulog sa Kabataan nga buksan karong Sabado alang sa Sinulog sa Kabataaan sa Dakbayan ug sa adlaw nga Domingo, Sinulog sa Kabataan sa Lalawigan.
Upat ka mga eskuwelahan ang magtigi sa elementary division sa Sinulog sa Kabataan sa Dakbayan nga naglangkob sa Pundok Duljo-an/San Nicolas Elementary School, Pasil Elementary School, Talamban Elementary School, Pundok sa Kalanggaman sa City Central School.
Samtang sa high school unom ka mga tulonghaan ang mag-ilog sa kadaugan nga naglangkob sa Apas National High School, Pundok Bulacaonon sa Sugbo/ Bulacao Community High School, Don Vicente Rama MNHS (Day & Night), Mabolo National High School, Don Sergio Osmeña Sr. MNHS, Ramon Duterte Memorial NHS.
Ang DVRMNHS, ANHS maoy mga nagtigi og maayo sa nakalabay nga tuig alang sa high school category.
Ini’g ka Domingo sa Sinulog sa Kabataan sa lalawigan tulo ang magtigi sa elementary nga naglangkob sa Pundok sa Kabataang Mananayaw sa Danao City, Tribu Ginatilan, ug Naga Central School.
Samtang sa High school mag-abot ang unom ka mga tulonghaan nga naglangkob sa La Paz National High School, Looc Norte NHS-Asturias, Tuburan, Tribu Alegrianhon, Mandaue City Youth Cultural Dance Troupe (represented by: Mandaue City Comprehensive National High School) ug ang Carcar City Division.
Aduna usab mananaug nga moguwa sa Best Choreography, Best in Street Dancing, Best in Musicality ug Best in Costume. (BANAT NEWS)