Patay nga puya gilabay sa kakahoyan
CEBU, Philippines – Nakaplagan ang patay nga puya nga gisulod og plastik nga gilabay sa kakahoyan sa Upper Lime Hills, Yati, Liloan.
Si Police Officer 3 Carin Arcelo, imbestigador sa Women’s Desk sa Liloan Police Station, niingon nga usa ka Ramil Revillas ang una’ng nakakita sa wala hiilhi’ng lalaki nga nagdali pagbiya gikan sa lugar.
Giingong nakita ni Revillas ang plastic bag nga gibilin apan wala lang niya panumbalinga sa pagtuo nga ordinaryo lang nga basura.
Matud ni Arcelo nga gitapukan sa mga lagong ang plastic bag nga mao’y nakaaghat sa usa ka babaye nga nahiagi sa pag-abli ug nakita ang patay nga puya nga nagsugod na sa pagkadugta.
Si Arcelo niingon nga maklaro na ang puya nga usa ka lalaki nga bag-o lang gihimugso ug gituohan nga 24-oras na ang gidugayon nga kini namatay.
Matud ni Revillas nga mahinumduman pa niya ang panagway sa lalaki kung subli niya’ng makita.
Dugang ni Arcelo nga may giadto na sila nga pipila ka tawo nga mag-adtoan sa lugar aron mangahoy apan dili mao ang nakit-an ni Revillas. – /GMR) (BANAT NEWS)
- Latest
