CEBU, Philippines – Subli’ng giklaro sa Department of Social Welfare and Development-7 nga ang solicitation aduna’y permit.
Matud ni DSWD-7 Director Mercedita Jabagat nga ang permit gikinahanglan kung ang solicitation himuon lapas sa usa ka siyudad ug lungsod.
Nunot niini nanawagan si Jabagat sa publiko sa pagsumbong sa mga mag-solicit nga wala’y permit sa DSWD.
Kini pinasubay sa Memorandum Circular No. 17 series of 2014 nga nag-regulate sa public solicitation sa mga tawo, korporasyon, organisasyon o asosasyon tumong sa pagtigum og pundo nga magamit sa ila’ng kalihukan.
Hinuon dunay exemptions ilabi na kung ang kahugpungan nga nihimo sa solicitation adunay “authority on these organizations to solicit or conduct fund campaign for charitable or public welfare purposes.” Usa niini ang fund raising activities sa Sangguniang Barangay alang sa barangay projects pinasikad sa Local Government Code. – /GMR) (BANAT NEWS)