Ex-konsehal nangulata sa asawa napriso
CEBU, Philippines – Natanggong sa presinto sa kapolisan sa Lungsod sa Malabuyoc ang kanhi konsehal sa barangay human gipasanginlan nga nangulata sa iya’ng asawa pasado alas 5 sa nakalabay nga hapon.
Base sa spot report sa kapolisan nasayran nga ang kanhi konsehal nga usa ka negosyante ang gialarma sa pagpangulata sa asawa kinsa giingong nagsige na lang og suka.
Gumikan sa kahimtang sa asawa, gidala kini sa Vicente Sotto Memorial Medical Center (VSMMC).
Si Police Officer 3 Villa Ybañez sa Women and Children’s Protection Desk sa Malabuyoc Police Station niingon nga ang pamilya sa biktima ug suspek nihangyo sa kapolisan nga ipatago na lang ang pangan gumikan sa kaulaw sa hitabo.
Personal nga away sa pamilya ang usa sa nakita nga hinungdan sa kapolisan hinungdan sa pagpangulata.
Sa pagkutlo niini’ng balita kasamtangan nga gibalhug sa selda sa Malabuyoc Police Station ang kanhi konsehal gumikan sa reklamo.
Karong adlawa gipaabot sa kapolisan ang mismo nga biktima nga mobisita sa ila’ng buhatan aron ila’ng masayran kung mopadayon ba sa pagpasaka og kaso o kaha makig-areglo. – /GMR) (BANAT NEWS)
- Latest
