Gisugyot nga Dec.5 ideklarar nga Volunteers Day
CEBU, Philippines – Gisugyot ni Konsehal Gerry Carillo sa Cebu City Council sa pagproklamar sa Disyembre 5 nga adlaw sa mga tawong kinasing-kasing nga nanerbisyo sa ngalan sa bolunterismo.
Kini aron paghatag og pag-ila sa kontribusyon sa mga tawo diha sa ilang katilingban bisan way bayad tungod sa ilang kinasing-kasing nga serbisyo.
Matud ni Carillo nga buot usab pasidunggan ang mga volunteers sa dakbayan sa Sugbo sama sa fire brigades, law enforcers, economic developer, livelihood ug disasters volunteers, tanod day care workers ug uban pa.
Dugang pa ni Carillo nga gamay ra ang makuha nga honorarium sa tanod ug day care workers ug buot usab ni Carillo hatagan og pahalipay ang mga boluntaryo nga nagtrabaho para sa katilingban sama kanila.
Plano usab ni Carillo nga magmugna og grupo aron moila sa mga kwalipikado nga volunteers nga seryoso sa ilang panerbisyo aron sila pasidunggan sa dakbayan.
Ang United Nations mideklarar sa Disyembre 5 nga “Day of Volunteers.” (BANAT NEWS)
- Latest
