CEBU, Philippines - Si acting Cebu City Mayor Edgardo Labella makigtagbo sa tanang stakeholders sa International Eucharistic Congress alang sa pagpakisayod pa sa dugang mga pagpangandam sa maong kalihukan nga ipahigayon dinhi sa Dakbayan sa Sugbo sa sunod tuig.
Matud pa ni Labella, gusto siyang makiglambigit sa maong kalihukan aron mapahigayon nga malampuson ang maong international nga kalihukan.
Gipadayag nga bisan kinsa nga gusto moapil ug motabang para sa kalampusan sa IEC bukas siya kanila tungod kay ang maong kalihukan dili lang iya sa gobiyerno ug simbahan kung dili sa tibuok katawhan.
Kagahapon sa buntag atol sa panagtagbo sa mga komitiba sa IEC sa conference room sa Cebu City hall, si Fr. Brian Brigoli, Chairman sa Venues mipadayag nga 70 porsiyento na nga nahuman ang pagpaayo sa templete sa San Pedro Calungsod diha sa may South Road Properties. (BANAT NEWS)