Pag-abli sa Robinsons di trapik
CEBU, Philippines - Hapsay ang dagan sa trapiko atol sa pagbukas sa laing daku’ng mall sa Dakbayan sa Sugbo nga mao ang Robinsons Cebu Galleria kagahapon.
Matud ni Cebu City Transportation Office (CCTO) operation head Jonathan “Joy” Tumulak nga makontrolar ra ang dagan sa trapiko sa tanang dalan nga nagpalibot sa mall.
Hinuon adunay nakita’ng gamay nga problema sulod sa mall diin natanggong ang mga sakyanan tungod kay usa ra ang gawsanan.
Samtang si CCTO executive director, Atty. Rey Gealon, sa iya’ng bahin nagkanayon nga nakatabang gyud sa problema sa trapiko ang pagsunod sa nasabutan sa management sa mall.
Dili sama ang sitwasyon sa pagbukas sa SM Seaside City sa South Road Properties sanglit daghan dalan nga maagian sa North Reclamation Area.
Adunay 30 ka enforcers ang gipakatap palibot ug sulod sa mall atol sa pagbukas gahapon. (BANAT NEWS)
- Latest
