Kapitan sa Lorega gikiha
CEBU, Philippines - Gireklamo ngadto sa buhatan sa Ombudsman-Visayas si Barangay Lorega San Miguel Kapitan Fritzgerald Herrera og abuse of authority ni Emmanuel Benjamin Sr., usa ka negosyante.
Base sa reklamo ni Benjamin nga tulo na ka higayon siya nga nihangyo sa buhatan sa kapitan apan kanunay siya’ng balibaran sa wala’y klaro nga rason.
Apan si Herrera nagkanayon nga ang hinungdan nga wala niya hatagi og permit tungod kay wala’y klaro ang dagan sa negosyo ni Benjamin sa iya’ng barangay.
Hinuon andam atubangon ni Herrera ang reklamo tungod kay aduna usab siya’y dokumento nga mapakita nga magpamatuod sa iya’ng argumento nga “on and off” ang dagan sa negosyo ni Benjamin.
Wala mahatagi si Benjamin sa barangay og clearance nga gikinahanglan sa pagkuha og Permanent Business Permit sa kagamhanan sa dakbayan. (BANAT NEWS)
- Latest
