Pundo sa Yolanda di angay gamiton sa politika

CEBU, Philippines – Executive Secretary sa National Secretariat for Social Action (NASSA) – Caritas Philippines Fr. Edu Gariguez, nanawagan sa mga politiko nga dili gamiton ang pundo   alang sa rehabilitasyon sa mga naapektahan sa bagyong Yolanda sa ilang politikanhong interes.

Giawhag nila   ang katawhan nga pilion ang takos nga mga politiko nga tinud-anay nga moserbisyo sa katawhan.

Giangkon ni Gariguez nga aduna silay kabalaka nga basin gamiton sa mga politiko ang pundo nga donasyon alang sa mga biktima sa bagyong Yolanda tungod kay  hangtod karon wala pa gayud kini mahatag ngadto sa mga angayan nga makadawat niini.

Sumala pa ni Gariguez, dili makiangayon ug dili sakto nga ang maong pundo gamiton sa eleksyon, ug nanghinaut siya nga makonsensiya ang mga politiko.

Matud niya, mas maayo pang ipanghatag na lang ngadto sa katawhan ang maong pundo aron ila kining magamit ug di na paabuton ang eleksyon aron manghatag og hinabang nga posibleng angkonon nga iya sa mga politiko.

Panawagan usab ni Gariguez sa katawhan nga dili angay botaran ang mga politiko nga tikasan ug mga kawatan sa pundo sa pangagamhanan.  (BANAT NEWS)