‘Depressed’ nga langyaw naghikog
CEBU, Philippines – Gituohang "depressed" nga langyaw ang napalgan na lang nga patay na human naghikog sa iya’ng balay kagahapon sa tunga’ng gabii sa barangay Puti-an, sa isla nga lungsod sa Bantayan.
Ang langyaw naila nga si Millan Axmannova, 51, taga Czech Republic ug minyo sa usa ka Pinay nga taga isla sa Bantayan.
Si PO1 Jimmy Layao nga nahinabi sa Banat News niingon nga may nadawat sila’ng tawag gikan sa asawa sa langyaw nga nangayo og tabang tungod kay naghikog ang langyaw.
Ila pa’ng naabtan sa balay sa magtiayon ang langyaw nga nagbitay sa pisi nga gihigot sa liog.
Gidala sa Bantayan District Hospital apan sa paghidangat sa tambalanan gideklarar na nga patay na.
Ang asawa sa langyaw nga nakuhaan og pamahayag sa kapolisan niingon nga sa nilabay nga semana nagpunay lang og inom ang iya’ng bana. - /GMR) (BANAT NEWS)
- Latest
