Gi-‘bully’ sa mga silingan naghikog
CEBU, Philippines - Tungod sa grabeng bugal-bugal naghikog ang usa ka 19 anyos nga graduating student nga nagpuyo sa Cuanos, lungsod sa Minglanilla niadtong Miyerkules sa buntag.
Ang kapulisan niila sa namatay nga si John Rey Resureccion, ulitawo, nagpuyo sa nahisgutang lugar.
Si Police Officer 2 Mikki Carlo Plarisan, desk officer sa kapulisan sa Minglanilla nagkanayon nga napalgan nga nagbitay si Resureccion sa 6- anyos nga bata ibabaw sa punoan sa mangga nga kinse metros gikan sa balay sa maong bata.
Ang bata daling nitawag sa iyang inahan ug gitabang ang batan-on apan patay na kini.
Ang inahan sa namatay nga si Racquel nitug-an sa otoridad nga nasagmuyo ang iyang anak human siya sigehan og bugal-bugal sa iyang mga silingan. Apan wa kini miklaro kun unsa nga klase sa pagtamay ang gibuhat ngadto sa iyang anak.
Si Racquel ang nakadawat og mensahe gikan sa iyang anak pinaagi sa text sa pagpanamilit. Ang kapulisan nga nisusi sa patay’ng lawas wa makakita nga dunay foul play sa nahitabo. (BANAT NEWS)
- Latest
