Classrooms sa Toledo gibahaan
CEBU, Philippines - Pipila ka classrooms sa duha ka pangpubliko’ng tunghaan sa dakbayan sa Toledo ang gilunopan human sa kusog nga bunok sa uwan sa nakalabay’ng adlaw.
Problema sa mga magtutudlo ug estudyante ang kalapok ug kahugaw sa tubig baha nga mosulod sa ila’ng classrooms labi na sa panahon nga mobunok ang kusog nga uwan.
Lakip sa naapektuhan mao ang pipila ka classrooms sa North ug South City Central School.
Bisan og dili taas ang tubig baha, makasulod gihapon ang tubig ilabi na sa nahimutang sa mas ubos nga level sa karsada.
Usa sa gitan-aw nga hinungdan mao ang wala’y klaro nga drainage system sa palibot sa mga tunghaan.
Dugay na’ng gi-adrress sa school board ang problema apan wala pa gihapon mahatagi og pagtagad.
Usa sa mga ginikanan nga wala lang nipahingan ang nagkanayon nga maluoy sila magtan-aw sa ila’ng mga anak nga moubog sa tubig baha paingon sa ila’ng mga classrooms sa higayun nga mag-uwan.
Hinungdan nga nanghinaut kini nga mahatagan og kasulbaran sa tunghaan ingon man sa lokal nga kagamhanan sa dakbayan sa Toledo ang problema. – /GMR) (BANAT NEWS)
- Latest
