CEBU, Philippines - Nahanaw ang mokabat sa P65,000 ug $792 nga salapi human ang panimalay sa namatyan ang gisaka sa kawatan sa Asinan, Mantuyong, dakbayan sa Mandaue alas 2 pasado ang takna sa niagi’ng kadlawon.
Si Police Officer 2 David Omambac sa Presinto 2 sa Mandaue City Police Office niila sa biktima nga si Maria Joana del Castillo, 47-anyos.
Matud ni Omambac nga nag-atiman sa mga nagbilar ang biktima ug ang suspek nga giila nga si Edilberto Igot, giingong usa ka mahuyang, ang wala nabantayi nga nisulod sa panimalay sa biktima.
Ang kwarta nga gipahiluna sa pagbutang sa biktima sa cabinet ang gikuha sa suspek kinsa nagdali sa pagbiya sa mao’ng dapit.
Dugang ni Omambac nga gihimo ang follow-up operation batok sa suspek nga niresulta sa pagkasikop sa panimalay nga iya’ng gipuy-an sa barangay Tabok sa mao’ng dakbayan.
Ang suspek nabalhog na sa bilanggoan ug pasakaan og kaso’ng pagpangawat. (Romeo T. Limpangog/GMR)(BANAT NEWS)