CEBU, Philippines – Usa ka lalaki ang naghikog pinaagi sa pag-inom og cyanide nga gikutaw niini sa tubig diha sa Villa Rufina Road, Babag sa dakbayan sa Lapu-Lapu kagahapon sa buntag.
Napalgang patay si Bartolome Dimataga, 18, sa iyang half-brother nga si Sherwin Agusto, 21.
Nagkanayon si SPO2 Allan Pantaleon nga nagkulob ug nagbuwa na ang baba ni Dimataga sa dihang napalgan sa igsuon ug gidala unta kini sa Tojong Hospital apan gideklarar kining dead on arrival.
Sumala pa ni Pantaleon, bag-ohay lang gibuwagan sa uyab si Dimataga ug gituohan nga mao kini ang hinungdan sa pagkutlo niini sa iyang kinabuhi. – /EIM) (BANAT NEWS)