Mga hepe sa CPPO gi-drug test
CEBU, Philippines – Wala makaipsot ang 50 ka mga hepe sa kapolisan sa kalungsoran sa Sugbo sa gihimong surprise drug test diha sa Cebu Provincial Police Office (CPPO) kagahapon.
Sa pagkutlo ning maong balita, nagpadayon pa ang gihimong drug test ug wala pay resulta kun adunay nagpositibo kanila.
Matud ni Superintendent Rodolfo Albotra, pangulo sa Provincial Intelligence Branch (PIB) sa CPPO gihimo ang maong surprise drug test kay kabahin kini sa ilang programa nga kinahanglang limpyo ang han-ay ang kapulisan.
Ug aron usab makita sa katawhan nga ang kapulisan sinsero sa pakigbatok sa illegal drugs.
Dugang ni Albotra gipatawag ang tanang hepe alang sa usa ka conference una gianunsiyo ni provincial police director Noel Gillamac ang drug test.
“To cleanse our ranks, and to show proof to the community that the police is very sincere in our fight against illegal drugs. Since CPPO is a recipient of award for the AIDSOT, among gipakita among worth nga tanan natong Chief of Police sa Cebu Province is free from drugs,” matud ni Supt. Albotra.
Hinuon giklaro ni Albotra wala silay gidudahang hepe sa kapolisan nga drug users.
Apan kun adunay magpositibo makasohan sila og administratiba ug kriminal.
Si Sr. Insp. William Homoc, hepe sa Tuburan Police Station mihangop sa maong drug test kay aron mahibaw-an kun dunay mga hepe nga drug users tungod kay sila maoy gilantaw nga modelo sa ilang mga sakop ug sa publiko. – /EIM) (BANAT NEWS)
- Latest
