CEBU, Philippines - Nasakmit sa kapolisan ang P96 mil nga drugas gikan sa 38- anyos nga lalaki sa sitio Atabay, Agus, dakbayan sa Lapu-Lapu niadto’ng Huwebes.
Si Pepard Sagarino, kanhi napriso sa kaso sa drugas ug residente sa mao’ng dapit, ang gidakop sa kapolisan atol sa buy-bust operation pasado alas 3 sa hapon. Matud ni PO3 Antonio Inihao Jr., imbestigador sa Basak-Marigondon Police Station 4, nga ila’ng nasikop ang suspek pinaagi sa ila’ng poseur buyer. Nakuha sa kapolisan ang upat ka medium-size nga pakete sa drugas lakip ang laing tulo ka gagmay’ng pakete ug ang P500 nga halin sa ilegal nga transaksyon.
Narekober sab ang P200 nga buy-bust money nga gigamit sa kapolisan.
Gibalhug sa detention cell sa Basak-Marigondon Police Station si Sagarino samtang mag-atubang og kaso. (Christell Fatima M. Tudtud/GMR)(BANAT NEWS)