19,000 ka voter’s ID wa kuhaa
CEBU, Philippines – Kapin sa 19,000 ka voters identification card ang wala pa nakuha sa mga tag-iya sa buhatan sa Commission on Election sa dakbayan sa Toledo.
Kini ang gipahibawo ni Atty. Michael Angelo Sarno, ang city election officer.
Subay niini giawhag ni Sarno ang mga wala pa’y ID sa pagkuha niini sanglit importante ug balido kini nga magamit sa nagkadaiya’ng transaksiyon.
Hinuon napanglantawan usab sa opisyal nga posible’ng ang nanag-iya sa ubang ID ang nitaliwan na o nibalhin na sa laing lugar hinungdan nga wala na kini makuha.
Samtang gipahibawo sa Comelec nga kadto’ng mga bag-o pa lang nakaparehistro, ila i-follow up sa uluhang buhatan ang mga ID.
Giawhag usab ni Sarno kadto’ng wala pa makaparehistro ug makapakuha sa ilang biometrics nga mobisita sa ila’ng buhatan sanglit hugot gyud ang ila’ng pagpatuman sa No Bio, No Vote sa umaabot nga piniliay sunod tuig. – /GMR) (BANAT NEWS)
- Latest
