CEBU, Philippines - Gikawat ang mga pinutos nga bugas, noodles ug mga sardinas sulod sa buhatan sa Senior Citizens sa munisipyo sa lungsod sa Compostela sa niagi’ng gabii ug alas 7 na sa buntag kagahapon nadiskubrehan.
Si Police Officer 3 Michael Magallon niingon nga ang kawani sa munisipyo nga si Bernardo Jumao-as, 45, ang nakadiskubre nga naabli na ang luyo’ng bintana sa nahisgutang buhatan.
Naglakip sa mga gisakiyo ang duha ka karton sa noodles, duha ka karton sa sardinas ug mga pinutos na nga bugas nga gibana-bana nga mokabat sa P10,000 ang kantidad. (Romeo T. Limpangog/GMR)(BANAT NEWS)