CEBU, Philippines – Tawo nga gikang namuwang gidunggab diha nga migawas na unta siya sa buwangan didto sa lungsod sa Cordova kaniadtong Domingo sa hapon.
Si SPO1 Laurencio Wagwag sa Cordova Police Station mitug-an nga si Roger Aying, 44 anyos nga taga Barangay San Miguel, Cordova nakaangkon og mga samad sa iyang bukton.
Ang midunggab ni Aying mao ang pildero nga si Jomare Aranas, 40 anyos, minyo nga nagpuyo sa Barangay Buagsong sa mao gihapong lungsod.
Matud ni SPO1 Wagwag nga ang biktima migawas na unta sa buwangan apan nasaghiran niya ang pildero nga si Aranas ug nasuko.
Kalit nga miibot og kutsilyo si Aranas ug giduslak kang Aying sa makadaghang higayon apan gisagang-sagang sa biktima mao nga sa bukton ra siya nakaangkon og samad.
Mga polis dali nga nakaresponde ug gidakop si Aranas ug nakuha ang kutsilyo gikan kaniya. – /RUB) (BANAT NEWS)