CEBU, Philippines - Wala gihapon ma-zero ang mga remittance centers sa dakbayan sa Sugbo bisan sa Zero Remittance Day nga gilusad sa mga Overseas Filipino Workers nga gisugdan kagahapon.
Gisubay sa Banat News ang mga remittance centers sa siyudad apan daghan gihapon ang nanguha og kwarta gikan sa gawas sa nasud apan dili sama ka daghan sa nangaging adlaw.
Ang Zero Remittance Day sa mga OFW gilusad isip protesta sa bag-ong lagda sa Bureau of Customs sa pagpahamtang og buhis sa mga butang nga ila’ng ipadala alang sa ila’ng pamilya.
Lakip sa lagda ang pag-abli sa mga karton nga sudlan sa mga regalo aron gyud masuta ang sulod niini. (Rowena D. Capistrano/GMR)(BANAT NEWS)