CEBU, Philippines - Gitugutan na sa konseho sa dakbayan sa Sugbo si Mayor Michael Rama sa pagpakigsabot-sabot sa Land Bank of the Philippines labot sa pagbayad sa utang sa Japan International Cooperation Agency.
Human sa negosasyon, tukion pagbalik sa konseho ang mga kondisyones sa pagbayad sa utang.
Gipaagi sa LBP ang pundo gikan sa JICA nga gigamit sa pag-ugmad sa South Road Properties.
Ang pagtugot sa konseho gikinahanglan aron masugdan na sa Local Finance Committee ang pag-andam sa mga kinahanglanon sa pagbayad sa utang.
Nalakip na sa supplemental budget ang P2.4 bilyones nga ibayad ngadto sa JICA. (BANAT NEWS)