APEC augmentation force nangabot na
CEBU, Philippines - Nahidangat na kagahapon sa buntag sa Mandaue City Police Office (MCPO) ang dul-an sa 100 ka mga polis nga augmentation force nga maoy magsilbing road security sa mga delegado sa Asia Pacific Economic Cooperation (APEC) alang sa kalihokan karong Sabado, Agosto 22.
Si Senior Superintendent Mariano Natu-el Jr., officer-in-charge director sa MCPO nga nahinabi sa Banat News miingon nga ang maong mga polis magbantay 24- oras sa dalan Plaridel nga manukad sa Marcelo Fernan Bridge ug First Mactan Mandaue Bridge.
Dugang mga polis ang madestino usab sa Ouano Avenue sa reclamation area nga maoy agianan sa mga delegado gikan sa dakbayan sa Lapu-Lapu padung sa dakbayan sa Sugbo.
Abagan sila og tagnapulo ka barangay tanod gikan sa mga barangay ug mga force multipliers. (BANAT NEWS)
- Latest
