Mananap sa Cebu Zoo ipasagop

CEBU, Philippines – Nagtinguha ang tagdumala sa Cebu Zoo sa pag-abli og “Adopt a Zoo Animal” program diin ang mga indibidwal o mga organisasyon mahimo’ng mosuporta sa paghatag og usa ka puy-anan sa mapili nga wildlife animal.

Si Cebu Zoo manager, Fr. Giovanni Stephen Romarate, nagkanayun nga ang paagi magsumpay sa natural ug human world diin mahatagan og lugar ang katawhan nga mo-amuma sa kinaiyahan.

Siya nipasabot nga ang plano “premature” pa ug maghimo pa sila og outline.

Ang mao’ng plano magdasig sa mga indibidwal, organisasyon, private ug business sector ug mga kompaniya nga mosagop og hayop pinaagi sa pagsuporta sa pagpaanindot sa pinuy-anan nga mamahimo’ng kabahin sa “corporate social responsibility” campaign.

Ang 7-hectare zoo adunay nagkalainlaing klase sa mga hayop sama sa langgam (cockatoo, parrot, eagle, heron, myna); reptiles (crocodile, lizard, python, turtle); ug mammals (apes, monkeys, leopard, sheep).

Ang sikat nga mga Burmese phythons nagdani sa mga lokal ug langyaw nga turista tungod sa nabantug na nga “snake massage.” – /GMR) (BANAT NEWS)