CEBU, Philippines - Gihulagway sa Magsaysay Awardee, Dr. Romulo Davide, nga wala na’y mag-uuma karong panahona sa probinsya sa Sugbo ang gipang-gutom tungod kay abunda ang mga abot sa ila’ng tanum.
Matud ni Davide nga nahinabi sa Banat News nga daku kaayo ang tabang nga nahatag sa Farmers Scientist Training Program tungod kay naingganyo na man ang mga mag-uuma nga motikad sa kaumahan.
Halos tanang lungsod ang napaubos sa FSTP.
Dugang ni Davide nga kasagaran sa mga mag-uuma mao na ang mobaligya sa ila’ng abot.
Bugtong nakita ni Davide nga problema ang kakuwang pa sa farm-to-market road ug irrigation panahon sa huwaw.
Malaumon ang uyoan ni Gobernador Hilario Davide III nga mahatagan og dinalian nga kasulbaran ang problema sa kagamhanan. (BANAT NEWS)