BUGAN sa‘rapist’ gikumot

CEBU, Philippines - Nagtingkagol sa selda sa Mambaling Police ang usa ka 29 anyos nga lalaki human gipasanginlang misulay og lugos sa ilang 36-anyos nga silingan diha sa Sitio Tinabangay, Brgy. Mambaling kagahapon sa buntag.

Ang gidakop mao si Manuel Rafols kinsa gituohang naibog sa iyang silingan nga minyo. Ang  suspek giingong naburyong ang ulo kay wa mouli og upat ka adlaw ang iyang kapuyo

Matud pa nga giatangan nang daan sa suspek ang biktima sa sulod sa kasilyas kay nasayod kining maligo kini nianang orasa.

Matud pa ni Police Officer 3 Diosdado Andales ang desk officer sa Mambaling Police nga nahinabi sa Banat News, sa pagsulod sa biktima gisap-ongan ang baba niini.

Apan gikatahong gikumot sa biktima ang lagay maong naigking ang suspek ug gituok dayon gisukmag ang biktima ug pagkahuman gikabay-an aron kini lugoson.

Apan ang komosyon ug pagpangayo’g tabang sa ginang nadunggan sa silingang polis nga si SPO3 Alex Dallon kinsa daling miresponde ug midakop sa suspek. (Jojo C. Ugdol ug Rowena Capistrano/EIM)(BANAT NEWS)