Ambush sa Liloan, usa patay

CEBU, Philippines - Gitubag og laing pagpamanhig ang nahitabo sa dakbayan sa Talisay niadtong Huwebes sa buntag nianang pagkagabii nga miresulta sa kamatayon sa usa ka lalaki diha sa lungsod sa Liloan.

Gibanhigan sa duha ka armadong lalaking nagmotor diha sa Sitio Banagbanag, Brgy. Poblacion, sa lungsod sa Liloan si Ronnie Mariquit  alyas Aka, 39,  taga Brgy. Cogon.

Si Police Officer 3 Jesson Gayo sa Liloan Police Station miingon nga sakay ang biktima sa iyang sakyanan nga Toyota Revo nga gimaneho sa iyang drayber nga si Aian Adulfo padulong na pauli sa ilang panimalay.

Kauban niya iyang mga higala gikan nga nanan-aw og basketball sa Brgy. Poblacion sa maong lungsod.

Samtang nagdagan ang sakyanan gikatahong kalit silang gitaparan sa nagsunod nga motorsiklo ug ang backrider midul-it pagpusil sa biktima nga nakaingon sa hinanali niining kamatayon.

Duha ka mga anggulo  ang ilang gisusi ang una mao ang posibleng kalambigitan sa ilegal nga drugas o may personal nga kasuko ang suspetsado ngadto sa biktima.

Niadtong Huwebes sa buntag, duha ang patay ug usa ang angol dihang gibanhigan sa mga armadong lalaking nagmotor ang usa ka sakyanan diha sa Talisay City.(Romeo T.  Limpangog/EIM)(BANAT NEWS)