CEBU, Philippines - Gipangita sa kapolisan sa dakbayan sa Bogo ang drayber sa usa ka negosyante’ng babaye sa barangay Cogon kinsa giingong nisakiyo sa salapi ug 18 ka ATM cards nga gipanag-iya sa ila’ng mga kustomer.
Si Police Officer 2 Alexander Ancao Jr. sa Bogo City Police Station niila sa gipangita nga si Maric Jugod, 30-anyos, ug drayber sa biktma nga si Manolita Ruiz Rivera, 56-anyos nga nagpuyo sa mao’ng lugar.
Matud ni Ancao nga ang biktima nawad-an sa iya’ng salapi nga mokabat sa P10,000 ug mga ATM cards.
Si Ancao niingon nga nabalaka karon ang biktima nga maka-withdraw ang suspek sa ATM tungod kay nasuwat sa usa ka papel ang mga PIN numbers niini. (BANAT NEWS)