CPPO nasudla’g tawo, imbestigahon
CEBU, Philippines – Tulo ka mga polis nga nadestino sa Cebu Provincial Police Headquarters ang imbestigahon human nalutsan sa usa ka 20 anyos nga lalaki nga duna’y problema sa pangisip ug nanguha sa ilang tindahan niadtong Sabado sa tungang gabii.
Matud pa ni Senior Superintendent Noel Gillamac sa mga tigbalita gusto nilang ipaimbestigar sila si Insp. Wendell Abellana, PO2 Glendale Cabañero ug SPO1 Sean Delos Reyes.
Ang 20 anyos nga duna’y problema sa pangisip nanguha’g nagkantidad P83 nga softdrinks ug juice sa “Noy Honesto Store,” tindahan nga walay magbantay.
“What matters to me, is that there is a breach of security, what I’m concern is kadtong mga PNP personnel nga nalutsan sila. As a deterrent kinahanglan nga ma-administratively charge g’yud ning mga polisa,”matud pa ni Gillamac. – /EIM) (BANAT NEWS)
- Latest
