Tulo patay sa dengue
CEBU, Philippines – Mokabat na sa 384 ka kaso sa dengue ang natala sa Cebu City Health Department sugod niadtong buwan sa Enero hangtod Hunyo 27, 2015 diin tulo na ang namatay ug ang uwahi gikan sa Brgy. Lahug.
Matud ni Dr. Daisy Villa, pangulo sa Cebu City Health nga sa 384 nga kaso sa dengue ang laing duha nga namatay gikan sa Bulacao ug Bario Luz. Niadtong niaging tuig adunay 387 sa kaso sa dengue ang natala samtang tulo ang namatay usab niini sa samang panahon.
Ang Cebu City Medical Center (CCMC) adunay natala nga 31 nga kaso sa dengue sa buwan sa Hunyo ug Hulyo ning tuiga.
Si Villa gustong mopahigayon og survey sa mga tambalanan ug mga barangay sa dakbayan sa Sugbo aron pagtino sa mga lokasyon diin dunay daghang mga nagka-dengue aron maka-spray og pangpatay sa mga lamok sa ilang mga dapit. – /EIM) (BANAT NEWS)
- Latest
