CEBU, Philippines – Patay ang usa ka motorista nga nadasmagan sa laing motorsiklo sa dalan East Binabag, Tayud, Consolacion ala-una pasado sa hapon niadto’ng Sabado.
Ang namatay mao si Roel Gomez Friaz, 18, nagpuyo sa mao’ng dapit ug ang suspek nga nakaingon sa aksidente mao si Eric Racan Andrade, 38, taga sitio Gamot, Abaob, Argao.
Si Police Officer 1 Socrates Borinaga sa Consolacion Police Station niingon nga nagsunod ang duha ka motorsiklo ug diha’ng nahidangat sa mao’ng dapit kalit lang ni-overtake si Andrade apan nasaghiran si Friaz hinungdan sa pagkalamba.
Si Andrade giingong wala nihunong hinungdan sa gihimo nga hot pursuit operation sa kapolisan nga gipangulohan ni Senior Inspector Wilson Abot ug nasikop. – /GMR) (BANAT NEWS)