20 ka gambling machines nasakmit

CEBU, Philippines - Baynte ka gambling machines ang nasakmit sa kapulisan sa Sugbo atol sa managlahing operasyon sa kapulisan batok ilegal nga sugal sa palibot sa siyudad niadtong nakalabay nga adlaw.

Matud pa ni SPO3 Sean Colobio, sa Mambaling Police Station ilang nasakmit sa Sitio Lawas, Alaska-Mambaling ang trese ka moli-moli ug video karera samtang lima ka tawo ang nadakpan nga naglakip sa duha ka minor de edad nga pulos nagsugal.

Ang mga nadakpan naila nga sila si Segundino De Alba, 20, Florencio Gitizo, 27, ug ang duha ka minor de edad nga 17 ug 13 anyos.

Samtang ang mga sakop sa San Nicolas Police Station misakmit ‘sab sa pito ka susamang mga makina gikan sa usa ka payag sa Sitio Minuleda, Brgy. Calamba.

Wala’y nasikop ang kapulisan atol sa maong operasyon kay daling nakadagan ang mga sugarol. - /EIM (BANAT NEWS)