Patay wa pa mailhi

CEBU, Philippines – Wala pa gihapo’y pamilya nga nikuha sa patay’ng lawas sa usa ka lalaki nga nakit-an sa barangay Calajoan, Minglanilla alas 7 kagahapon sa buntag.

Ang mao’ng lalaki gibana-bana sa pangedaron nga 40 ngadto sa 50-anyos, 5 ngadto sa 5'2 ang gitas-on, tambukon ug nagsul-ob og jacket nga color gray nga dunay ilawom nga T-shirt nga color gray ug nag-short pants nga kolor itom.

Matud ni Police Officer 2 Nikki Carlo Plarisan, desk officer sa Minglanilla Police Station, nga ila na gipahimangnuan ang Mt. View Funeral Homes mopahibawo kung dunay pamilya nga moila sa biktima. Giawhag karon sa kapolisan ang katawhan nga silingan nga mga lungsod o bisan asa nga dunay wala mouli nga sakop sa banay sa pagsusi sa patay nga lawas. – /GMR) (BANAT NEWS)