CEBU, Philippines – Usa ka 4.7 magnitude nga linog ang mitay-og sa Bohol kagahapon sa buntag nga nabatyagan sa daghang mga dapit sa Central Visayas.
Si Rolando Montañez sa Philippine Institute of Volcanology and Seismology (Phivocs) Mactan nga nahinabi sa Banat News miingon nga alas 9:47 ang takna kagahapon sa buntag ang pag-igo sa linog.
Ang epicenter niini nabatyagan sa San Miguel, Buenavista, Bohol nga nagtala og intensity 5.8; samtang intensity 5 sa dakbayan sa Mandaue ug dakbayan sa Sugbo ug intensity 4 usab ang dakbayan sa Lapu-Lapu.
Matud pa ni Montañez nga sa ilang gihimo nga pag-monitor sa epekto sa maong linog wala kini makatala og mga kadaut ug walay nakalas o naangol.
Si Felix Suico, city disaster officer sa dakbayan sa Mandaue nga nahinabi sa Banat News miingon nga human sa pagtay-og sa maong linog dali niyang gitawgan ang mga barangay kapitan.
Ang barangay hall lang sa Barangay Cubacub ang nakabaton og mga liki apan walay na-report nga naangol o kinabuhing nakalas sa maong hitabo. – /EIM) (BANAT NEWS)