Palma: Bendita sa lukay pagsaulog sa kaluwasan

CEBU, Philippines – Dungan sa pagsaulog sa Domingo sa Lukay, si Cebu Archbishop Jose Palma kagahapon nipasabot nga angay magsaulog sa kaluwasan tungod sa pagpakamatay ni Hesukristo aron maluwas ang katawhan gikan sa kasal-anan.

“Ang una natong disposisyon karong buntaga. Natapos na ang atong LWD. Makapauli na mo, makatulog na mo. Malipay kita kay naseguro nato ang ato’ng coming over is an experience, makaingon kita, we experienced the love of the Lord, we experience the love of our friends, the love of our family, the love of the church. Binditahan nato ang mga lukay. Kini pahinumdum sa pag-adto ni Hesus sa Herusalem. How the people accepted him, laid down palms and leaves at the road. Pagdawat Niya isip anak ni David. Dalaygon ang anak ni David, ang Ginoo nga moanhi,” matud ni Palma atol sa iyang wali gahapon sa kadlawon.

Ang labing una’ng misa sa Bendita sa Lukay ni Palma gipahigayun atubangan sa liboan ka delegado sa ikaduha ug katapusang adlaw sa Local World Youth Day sulod sa University of Southern Philippines Foundation.

“Ang atong pagdala niini magpahinumdum in our hearts we proclaim Jesus as the son of God. Ug sundan nato sa lain-laing buluhaton sa Kwaresma. But for today, with the blessing of the palms, we know we rejoice with Jesus, we rejoice because we feel His love. We rejoice because aron mahitabo ang gisulti sa gospel, mahitabo ang iyang pagluwas kanatong tanan,” dugang niya.

Iya usab nga gipasabot nga sa 52 ka semana sa usa ka tuig, usa lamang ang gigahin sa Semana Santa busa angayan kining saulogon pinaagi sa pag-ampo ug paghinulsol tungod kay nagpahinumdum kini sa kaluwasan pinaagi sa pagpalansang ni Hesus sa Krus.

Ang Local World Youth Day sa Cebu Archdiocese gitambungan sa dul-an 4,000 ka batan-on sa nagkalain-laing parokya lukop probinsiya. – /GMR) (BANAT NEWS)

Show comments