CEBU, Philippines – Andam na ang ika-70 ka tuig nga paghandum sa Talisay Landing kon Takas sa baybayon sa barangay Poblacion sa dakbayan ugma’ng adlawa.
Matud ni Lt. James Reyes, tigpamaba sa Philippine Navy, nga nagpadayun ang rehearsal sa mga estudyante ug uban pa’ng mosalmot sa reenactment sa nahitabo niadto’ng March 26, 1945.
Ang kagamhanan sa dakbayan sa Talisay nigahin lang og tunga sa milyon ka pesos, katunga sa usa ka milyon ka pesos sa niaging tuig, sanglit minus lang ang gipaabot nga mga bisita.
Motambong ang mga war veterans nga nakasaksi sa Talisay Landing.
Si Kongresista Gerald Anthony “Samsam” Gullas sa unang distrito sa probinsiya sa Sugbo nagkanayun nga posible’ng dili siya motambong sa kalihukan tungod kay wala siya’y nadawat nga imbitasyon gikan sa siyudad.
Kaniadto ang apohan sa kongresista nga si kanhi Kong. Eduardo Gullas ang kanunay nga motambong sa kalihukan. Adunay ipahigayun nga parade apan wala’y ipatuman nga re-routing. – /GMR) (BANAT NEWS)