Cooperative ipatudlo sa mga tunghaan

CEBU, Philippines - Gitinguha sa Mandaue City Cooperative Development Council (MCCDC) nga matudlo sa mga tunghaan ang subject sa Cooperative.

Ang MCCDC niawhag sa Mandaue City College (MCC) Board of Trustees pinaagi sa konseho sa dakbayan ug Commission on Higher Education nga dasigon ang mga tunghaan sa kolehiyo ug unibersidad sa pagtudlo sa maong kurso.

Naglakip sa mga kurso nga ilang gidasig nga malakip sa pagtudlo ang Cooperative subject mao ang nagkuha sa kurso nga Bachelor of Science in Education (BSED), Bachelor in Elementary Education (BEED), Bachelor of Science in Business Management (BSB), Bachelor of Science in Hotel and Restaurant Management (BSHRM) ug ingon man sa Bachelor of Arts.

Tumong sa MCCDC ang paghatag og kaalam sa mga tinun-an nga ilang magamit sa paghuman sa pagtungha nga magsilbi’ng giya dili lang sa ilang pagsulod og trabaho kun dili ang paghatag usab kanila og dugang kaalam labot sa kooperatiba. (Romeo T. Limpangog/GMR)(BANAT NEWS)