Cheryl Ouano mikiha ni Ligas
CEBU, Philippines - Human nga mipasaka og kasong libelo niadtong miaging buwan si Bokal Thadeo “Teddy” Ouano sa Sixto distrito batok sa blocktimer sa radio nga si Edward Ligas laing kasong libel na usab ang gipasaka batok kaniya sa umagad ni Ouano nga si Cheryl Ouano.
Ang kasong libelo gipasaka sa abogado ni Cheryl Ouano nga si Atty. Vicente Fernandez kinsa mao usab ang abogado ni Ouano .
Sa iyang affidavit si Cheryl nagkanayon nga niadtong Enero 14 ning tuiga giduol siya sa iyang mga higala ug mga supporters ni Ouano ug gipahibawo nga gipakauwawan siya ni Ligas sa programa niini nga Radyo Ronda niadtong Enero 13.
Ang matud pa pagpakauwaw kaniya ug kang Ouano wala magbutang og apelyedo apan ang mga pangalan sa karakter sa komentaryo mao sila si “Linda,” “Bokal Teddy,” “Teddy Botitot” ug “Cheryl.” Si Cheryl nagtuo nga ang gipasabot nga “Cheryl” sa komentaryo ni Ligas way lain kondili siya ug ang iyang mga ugangan.
Tataw usab matud pa nga ang komentaryo ni Ligas nagpunting ngadto sa iyang ugangan nga si Teddy ug sa anak niini nga sa City Councilor Emmarie “Lolypop” Ouano gumikan kay mga kasamtangan silang mga “ public officials”.
Dugang pa usab ni Cheryl sa iyang affidavit bisan tuod og mga public officials sila si Teddy ug Lolypop Ouano-Dizon siya ug ang iyang bana nga anak ni Bokal Ouano, mga pribadong tawo.
Si Ligas dihang nahinabi sa Banat News sa telepono nagkanayon nga sama sa unang kasong libel nga gisang-at batok kaniya ni Ouano iya gihapon kining atubangon. (BANAT NEWS)
- Latest
