Tubig sa atabay sa Toledo may kagaw
CEBU, Philippines – Gibutyag sa hepe sa Provincial Health Office (PHO), Dr. Cynthia Genosolango, nga adunay kagaw ang tulo ka tinubdan sa tubig sa sitio Bayabas ug Pinya sa barangay Subayon, dakbayan sa Toledo.
Matud ni Genosolango nga sa sample sa tubig nasuta nga positibo sa kagaw gikan sa hugaw sa hayop ug tawo.
Ang tinubdan sa tubig sa lugar giingong wala’y tabon hinungdan nga dali kini’ng makontaminado.
Sa nilabay’ng adlaw 20 ka residente ang gidala sa tambalanan tungod sa grabe’ng hilanat nga gidudahan nga nataptan og dengue.
Duna’y nagtuo nga tipos ang nitakboy sa mga pasyente tungod sa balik-balik nga hilanat.
Ang PHO nihimo og pakisusi sa maong report ug nanguha og mga resulta sa mga eksaminasyon sa mga pasyente pagsuta kung dengue o tipos ba ang mga nasinati niini. – /GMR) (BANAT NEWS)
- Latest
