World Water Day ilusad
CEBU, Philippines – Ang Environmental Management Bureau (EMB)-7 nanawagan kabahin sa pagtinabangay paglimpiyo sa kasapaan ug kadagatan niining pagsaulog sa World Water Day karong Marso 22, 2015.
Ang Philippine Water Days saulogon gikan sa Marso 16 hangtud 27, 2015. Si Engineer Cuñada, officer-in-charge (OIC) regional director sa EMB-7 nagkanayon nga dako kaayo nga kauwawan nga ang nasud nahimo kini nga “top three” nga plastic polluter sa tibuok kalibutan.
Ang matag usa kanato nagkinahanglan og kausaban sa kaugalingon pinaagi sa pagbaton og disiplina.
Ang EMB nag-awhag sa tanan sa pagpahigayon sa “Orchestrated Clean Up of Water Bodies” karong Marso 22, 2015.
Ang kalihukan sa maong programa nganhi sa Central Visayas ipahigayon sa alas 6:00 hangtud sa alas 9:00 sa buntag.
Kadtong mga interesadong grupo, kompaniya ug organisasyon nga buot motabang gihangyo nga moduol sa mga lokal nga kagamhanan o barangay. – /EIM) (BANAT NEWS)
- Latest
