CEBU, Philippines - Kapin lang sa usa ka ektaryang luna sa Balili property nga napalit sa kagamhanan sa probinsiya ang napahimuslan matud ni Jone Siegfred Sepe, officer-in-charge (OIC) sa Provincial General Services Office (PGSO).
Si Sepe nga nahinabi sa mga tigbalita kagahapon nagkanayon nga samtang duna pay kaso ang maong luna wala pay kaugmaran nga mabuhat ang kagamhanan sa probinsiya niini.
Ang kapin sa usa ka ektarya nga tipik sa luna gibutangan kini sa veterinary ug agriculture department nga gigamit sa nga fish pond sa bangus alang sa bangus culture ug production nga ubos sa agriculture. Ang 1,000 square meters nga luna gihimong “stock farm” alang sa ‘goat dispersal” diin duna kini mga kanding ang gibutang.
Ang laing 1,000 square meter gibutangan “vermiculture farming” o cultured nga mga wati diin ang hugaw niini mahimong “organic fertilizer”. Gitataw ni Sepe nga kadtong kabakhawan ug nalubog sa dagat wala kini hilabti o gamita.
Niining ulahi lang ang korte mimando sa mga Balili sa pag-uli sa P37.8 milyones nga nabayad sa kagamhanan sa probinsiya sa tipik sa luna nga dunay gilapdon nga 94,526 square meters tungod kay dagat kini ug kabakhawan. (BANAT NEWS)